...හෙට
මහ පොලොව මත
සක‍්‍රීයම මිනිසුන්ටත්
නිහඬ වීමට සිද්ධවුන
මේ තද අඳුර
ගුප්තය
රහසින් සිද්ධවෙන දෑ
බිහිසුණුය
කෑලි කපන
ඔය අඳුරට
ඔය පොලොවෙහි ම
පොකුරු ගනනින් බිලිවුන
ඉතිහාසයක්
මටද ඇත
උරුමක්කාරකම් කිව්ව
පුංචි පැල
මහ ගස් හා
අවශේෂ තණ පඳුරු ද
මෙවර
බිලිගත් ඉක්මන
වසා ඉර හඳ
ඝන කළුවර
යටි වියන යට
ඝාතකයින් ගෙ
ගිනි කන වැටුනු එළියට
රැුවටුනු මිනිසුන් ය
පාරවල් වල පී‍්‍රති වෙන
ඇඟ නටවන
එළි
නිවන නොනිවන එක
උන්ටය
තිත්ත කළුවර හැමදාමත්
පොලොව මත දඟලන
අපටය
ශුන්‍යත්වයේ ගිලී
නොසන්සුන් ව
එහෙ මෙහෙ ඇවිදින
සංවේදී මිනිසෙක්
ඇත්නම්
ඇවිත් හෙට
පහනක් දල්වන්න
ඔය අඳුර
උතුරටත් දකුණටත්
දෙකටමය
මහේෂ් මුණසිංහ
06 2009
Subscribe to:
Post Comments (Atom)
boru machan
ReplyDelete