වෙසක් !!

වෙසක්

දුටු දුටු අත
පන්සල් ය, කෝවිල් ය..
වන්දනාමාන කරන
බැතිමතුන් පිරි
දෙව් මැදුරු ය..
ඇසෙන්නේ ද,
දකින්නේ ද,
කරන්නේ ද,
පස්පව්ම ය..
පන්සිල්, අටසිල්, දසසිල්
සෙත් පිරිත් ?
දිවා නිදි නැතිව
ගුවන් විදුලියෙන්
රූපවාහිනියෙන්..
ධර්මය ම
ඇසුරු කරත්
මුද්‍ර‍්‍රිත මාධ්‍යයෙන් ද..
බුදු බණ ද
බොදු ගී ද
වෙනත් ආගම් ද
පැතිර යේ... #
එහෙත්,
තත්පරයට අවුරුදු වේගයෙන්
රට ම පිරිහෙයි

කිමැ කරුණු
සමිඳුනි
ඔබ සිටියා නම්
ගලනු නැති ද
කඳුළු

තුෂාරි පි‍්‍රයංගිකා