ගුරුතුමියගෙන් ප‍්‍රශ්න පත්තරයක් !
මව්වරුන් නොරට ගිය
පොඩිවුන්ට කිරි මව් ව
ඉසිඹුවක් ලැබ ගන්ට
පාසලට ආවා ද?
පියවරුන් පරල වී
බීමතින් ගෙට වැදී
සුදු පාට පිටු අතර
රතු කැළැල් තැබුවා ද?
නියං කල දරදිය ද අදිමින
වැසි කලට කුඹුරු අස්සද්දන
පොළ දාට පොතේ පිටු ඉර ඉරා
කඩල ගොටු සාදන
නුඹලාව අගයන්ට
ඇගයීම් ක‍්‍රම මොකුත් නැතුවා ද?
මා උගත් බොහෝ දෑ කියා දී
නුඹලාට නව ලොවට
පාලමක් තනන්නට
පතා බෝ දුරක ආ...
මට වැරදුණාවත් ද??
සුහර්ෂිණී රේණුකා ධර්මරත්න
-සිහින අසපුව- 2005
Subscribe to:
Post Comments (Atom)
No comments:
Post a Comment