Saturday, January 23, 2010
තාත්තේ - ජූඩ් ප්‍රේමන්
නුඹ නොමළ බව දනිමි
නෙතට කඳුළු උණයි
නුඹේ ජීවිතය අප සතු වූවත්
හදවත ඉකි ගසයි
බීජයක් නොමළොත්
පැළයක් කොයින්ද
බිත්තරයක් නොබිඳුනොත්
කුරුල්ලෙකු කොයින්ද
උල්පතින් ගලන දියබිඳක්
එලෙසින්ම සිඳුණහොත්
ගංගාවක් කොයින්ද
එහෙත් කඳුළු උණයි
නුඹ හෙළු දහදියෙන්
පවස නිවුවෝ අපිමය
නුඹේ අතේ කරගැටෙන්
දිවි ලැබූවෝ අපමයග
නුඹේ බිලිපිත්තෙන්
පෝෂණය වුවෝ අපමය
නුඹ ලද ජීවිතයේ අරුත පිරිපුන්ය
එහෙත් කඳුළු උණයි
ඒ නුඹේ මරණයේ අරුත
අපට නොවැටහුණ හෙයිනි
මෙලොවදී ජීවිතය දිනු නුඹට
සග සුව පතන්නේ කෙලෙසද
නුඹ මළවුන් අතර නොවේ
ජීවිතය අපට දී
හැරී ගියා පමණි
ජූඩ් ප්‍රේමන්
18.01.2010
Subscribe to:
Post Comments (Atom)
No comments:
Post a Comment