Thursday, January 21, 2010
කිවිඳිය - ටි. ස. ප‍්‍රියන්ත කුමාර ‐
ඇළ දොලක කඳු පෙතක ගැටෙන මඳ පවන ගැන
පුරසඳක පිපි මලෙක ගැමි සිරිය මවන තැන
සිල්වතක සිනාවක කුරුලූ කිචි ඛිචිය ගැන
යස රඟට රසකෙරූ කිවිඳි කොයි ඉන්න තැන
සොඳුරු සිත අහිමි පෙම ළසෝ දුක දැනෙන ඉම
හදබිලෙක ඇති පහස සිත රැඳුනු පළමු පෙම
විනිවිදව යන ලෙසින් චිත්ත රූ මැවූ එම
රසවදන් ලොවට දුන් කිවිඳි කොයි ඉන්න බිම
නුරාවක නෙත්සරක මුල්ම හාදුවක රඟ
ලියන සිත තැබූ තිත රැගෙන මුනිවතක මඟ
ඉරුනු හදවත් රුවල පාවෙනා ළසෝ ගඟ
ඉමක් නොදකින අපේ කිවිඳි දුර නොවේ ළඟ
ටි. ස. ප‍්‍රියන්ත කුමාර ‐
ගැබරෝන් ‐ බොට්ස්වානා
Subscribe to:
Post Comments (Atom)
No comments:
Post a Comment